Државниот пазарен инспекторат утрово го затвори клубот „Аватар“ во Струмица. Директорот на инспекторатот, Стојко Пауновски, за канал ВИС изјави дека одлуката е донесена поради тоа што клубот воопшто не смее да работи и сите клубови во државата работеле нелегално, бидејќи немаше дозвола од Владата како и протоколи од комисијата за заразни болести.
Сопственикот на клубот, во неделата рече дека саботната журка излегла од контрола. Тој тврди дека клубот функционирал како кафетерија, бидејќи на оваа локација е регистриран така, а објектот е од отворен тип.
Сепак, функционирањето со забави со голем број присутни и пречекорувањето на времето за работа, после 1 часот по полноќ, ги донесе пазарните инспектори на вратата на клубот. Пријава имало уште во петокот, кога е прекината забавата.
Клубот „Аватар“ работи од 10 јули.
Пазарниот инспекторат реагирал и за клубови во Кавадарци, Прилеп и Виница.
Струмичката полиција, пак, воопшто не се појавила во клубот „Аватар“. МВР вели дека СВР Струмица не била запознаена со случајот.
