Од судска медицина негираат дека не можеле да ги утврдат причините за смртта на 26 годишното момче од Струмица, туку обдукцијата сѐ уште не е завршена. Во моментов се правеле токсиколошки анализи. За случајов најавија и дека ќе излезат со официјално соопштение.
Основното јавно обвинителство првично изјави дека по телото имало видливи повреди кои упатуваат на насилна смрт. Во меѓувреме се врши претрес по домови и простории на повеќе лица со кои момчето имало контакт псоледните денови. Издадено е барање за обезбедување снимки од видео надзор од еден објект и вештачење на мобилнитет елефони. Од мобилните оператори побарани се податоци за остварена телефонска комуникација, а издадена е и наредба за вештачење на повеќе предмети пронајдени во близина на телото на починатиот.
