Потврдена е појавата на болеста африканска чума кај диви свињи на ловиштето во Ново Село. Поради тоа, населените места во општините Ново Село, Босилово, Струмица и Василево влегуваат во ризичната зона за појава на болеста.
Од Агенцијата излегоа со сет мерки кои одгледувачите на свињи мора да ги почитуваат.
Меѓу нив, затвроање на свињите во одгледувалиштата кои треба да бидат заградени со цел да се спречи неконтролиран влез на други животни и лица, свињите да не се изнесуваат на испаша. Оние кои се чуваат на отворено и на испаша ќе се одземат од одгледувалиштето на терет на одгледувачот и ќе се изречат санкции кон сопственикот.
