Дворот на детската градинка во Негорци ќе го красат 38 јасенови дрвја што во чест и сеќавање на Игор Мицев, член на културно уметничкото друштво „Негорци“ кој почина на 38 години, беа засадени по иницијатива на негови сограѓани, пријатели и блиски роднини.
Садниците ги обезбеди подружницата на Шумското стопанство „Кожуф“ од Гевгелија, а во акцијата учествуваа и претставници на локалната самоуправа од Гевгелија, предводени од градоначалникот Сашо Поцков.
-Општина Гевгелија со ваквите акции, без разлика на поводот за нивно организирање, ќе продолжи и во иднина и секогаш ќе ги подржува бидејќи еден од нашите приоритети е да создадеме модерна, зелена и европска општина Гевгелија, изјави Поцков.
Организатори на акцијата беа општина Гевгелија, јавното комунално претпријатие од Гевгелија и централната градинка „Детска радост“.
