Фајзер ќе ја тестира вакцината на деца. Компанијата ја заврши регистрацијата на деца на возраст од 12 до 15 години за студија за тестирање на вакцината против коронавирус.
Американскиот производител на лекови, всушност, сака да ја прошири употребата на вакцината меѓу различните возрасни групи.
Студијата, која беше најавена во октомври, вклучува повеќе од 2.000 учесници, се вели во соопштението на Фајзер, пренесува Ројтерс.
Децата ретко имаат сериозни симптоми на ковид-19, но, сепак, можат да го шират вирусот.
Минатиот месец, Модерна, исто така, започна студија за тестирање на вакцината кај адолесценти на возраст од 12 до 18 години.