Основачот на „Мајкрософт“, милијардер и филантроп Бил Гејтс објави на „Твитер“ дека оваа недела ја примил првата доза на вакцината против коронавирус, но не откри која. Бил Гејтс прими вакцина против Ковид-19, но не откри која.
Гејтс рече дека се чувствува одлично и им се заблагодари на сите научници, учесници во истражувањето, регулатори и медицински професионалци „кои нѐ доведоа до оваа точка“.
„Една од предностите да се има 65 години е тоа што ги исполнувам условите за вакцина против Ковид-19“, напиша Гејтс за фотографијата од вакцинацијата. Гејтс, сепак, не откри која вакцина ја примил.
Бил Гејтс прими вакцина против ковид-19, во време кога има масовна кампања за подигнување на свеста за вакцинацијата. Светот во моментов се соочува и со голема недоверба во целиот процес. Една од причините е релативно краткиот рок за правење на вакцините.
