Познатата пијанистка Даница Стојанова синоќа одржа солистички концерт пред струмичката публика. Пијанистката која потекнува од Струмица приреди едночасовно емотивно патување и уживање низ делата на светски познатите но и домашни композитори.
Стојанова вели дека овој концерт ѝ бил дамнешна желба и ветување кое си го дала уште додека била жива мајка ѝ, затоа што пораснала во близина на црквата. За неа синоќешниот настан е исполнување на она што го посакувала и замислила пред многу години.
Во репертоарот на Стојанова беа застапени делата на: Аврамовски, Бах, Лист, Зографски, Шопен и Коларовски.
