Зголемувањето на цената на нафтата ќе доведе до зголемување на цените на авионските билети за 10 отсто, вели директорот на една од најголемите светски авиокомпании.
Директорот на Delta Air Lines, Ед Бастијана, изјави за Би-би-си дека конечното влијание врз цените на авионските билети зависи од тоа кога ќе се смират цените на горивото.
Цените на нафтата достигнаа највисоко ниво во последните 14 години по руската инвазија на Украина.
Emirates, Japan Airlines и AirAsia се меѓу главните авиопревозници кои неодамна воведоа доплати на билетите за да ја покријат повисоката цена на горивото за авиони. Пред пандемијата, во 2019 година, 200 милиони патници летаа со „Делта“, што ја прави втората по големина авиокомпанија во светот во однос на бројот на патници.
Тие објавија дека на домашните летови во САД цените на горивото се зголемиле, најверојатно, околу 25 долари од билет, што би можело да биде помеѓу пет и десет проценти при овие високи цени на нафтата, а меѓународните летови ќе имаат повисоки цени.
