Струмица полека се подготвува за уште едно издание на струмичкиот карневал. Карневалскиот одбор и општината како генерален покровител ја објавија осумдневната програма посветена на традиционалниот настан под маски. Како и секоја година, настаните почнуваат со свечено предавање на клучот на градот во рацете на карневалџиите.
Струмичките сместувачки капацитети не биле доволни да одоговорат на интересот за сместување странски групи, па многу гостувања се откажани. Покрај министерството за култура кое за годинешниот карневал издвои околу половина милион денари, карневалот во најголема мера го финансира Општина Струмица. Главното карневалско дефиле е закажано за 25 февруари.
