Денеска во василевското село Градашорци по десетти пат се одржа манифестацијата „Ден на празот“ . На познатата Празијада, домаќинките ги покажаа вештините во подготовка на специјалитети со праз, а производителите го покажаа родот.
Градоначалникот на Василево, Марјан Јанев рече дека ќе ја поддржуваат манифестацијата како место на кое се среќаваат и трговците и производителите, но и се празнува празот кој е препознатлив и надалеку прочуен белег на Градашорци.
-Наш приоритет ќе биде привлекување на инвеститорите кои ќе отворат откупни центри во нашата општина, бидејќи празот со својот квалитет е препознатлив не само во државата туку и надвор од неа. Наша интенција ќе биде оваа градинарска култура да биде застапена во текот на целата година и да се зголемат површините за да бидеме конкурентни на пазарите, рече градоначалникот Јанев.
Инаку во Градашорци се дегустираа над 120 специјалитети од праз подготвени од домакинките на општина Василево
ФОТОГАЛЕРИЈА
Posted by Strumica Portal on Sunday, November 5, 2017
