Општина Струмица и официјално е примена во Мрежата на силни градови во светот кои имаат пристап и механизми за справување со негативните појави кои доведуваат до насилство. Ова признание доаѓа откако градоначалникот на Струмица Костадин Костадинов беше дел од Регионалниот хаб на Мрежата за западен Балкан организиран од Стејт департментот на САД, каде ги презентираше конкретните примери на решавање на проблемите преку Локалниот совет за превенција на Струмица чиј модел беше превземан од повеќе општини од Црна Гора.
,,Струмица им се придружува на повеќе од 210 градови и општини ширум светот, посветени на застапување, спроведување и споделување на локални пристапи за справување со сите форми на екстреимизам, поларизација кои можат да доведат до насилство,, стои во известувањето на Мрежата на силни градови
Со признанието како членка на Мрежата на силни граодив во светот, што го добива општина Струмица се отвора можноста за поголема соработка со светски метрополи но и добивање конретна поддршка за решавање на одредени проблеми
Инаку Струмица го има најфункционалниот Совет за превенција каде граѓани во соработка со локални и национални институции ги детектираат проблемите при што нудат решенија како да се надминат. Во решавањето се вклучени сите чинители при што ја следат и иплементацијата. На тој начин во Струмица се реши проблемот со уличната трговија, проблемот со уличните кучиња, насилството, препродавачите на девизи но и други проблеми.
