Синоќа од 19 часот почна протестниот марш низ централното градско подрачје. Трасата е секој ден различна. Почнаа од старата полиција низ собранието продолжија до зградта на Свр Струмица, па се вратија до малиот градски парк. Во Струмица се одбележува година од протестот по повод објавената бомба на опозицијата поврзана со смртта на Мартин Нешковски.
На чело на поворката протестирачите носеа фикус со кој ја симболизираат претседателската фигура, алудирајќи на тоа дека зад одлуките на претседателот Иванов за аболиција се кријат интересите на челниците на Вмро Дпмне, кои се сомничат за тешки кривични дела. За цело време одекнуваа разговорите на тогашната министерка Јанкуловска и портпаролот Котевски, кои се договараат како да се прикрие вистинските околности под кои се случило смртта на младиот Нешковски.
