Еднаков пристап до квалитетно образование за учениците од сите етнички заедници е целта на проектот „Поддршка на интеграцијата на етничките заедници во образовниот систем“ кој втора година по ред го имплементира ООУ Никола Вацаров од Струмица.Новогодишна драма која ја одиграа учлениците од 3 -то одделение под менторство на наставничката Јасмина Пупановска е дел од активностите на проектот.
Проектот се спроведува во училишта со мешани етнички средини. Финансиран е од Европската унија, а активностите се спроведуваат во соработка меѓу Агенцијата за европска интеграција и економски развој и Управата за развој и унапредување на образованието на јазиците на припадниците на заедниците. Посебна компонента од овој проект е посветена на учениците од ромската етничка заедница – ќе бидат обучувани родителите за образовните потреби на нивните деца.
