Во договор и координација меѓу директорите на основните училишта и општина Гевгелија, почна акција за донирање персонални компјутери на ученици од социјално ранливите категории кои од дома ќе можат да следат онлајн настава во услови на вонредна состојба
Марија Костадинова директорка на основното училиште „Климент Охридски“ од Миравци веќе на шест ученици им донираше компјутери и упати апел до сите фирми да се вклучат во хуманата акција за да можат што повеќе деца од социјално загрозени семејства да добијат компјутер.
– Моментно ги задоволивме потребите само на шест семејства со ученици опфатени во основното образование но ако во акцијата се вклучат повеќе општествено одговорни компании ќе можеме да донираме компјутер за секој ученик од социјално загрозено семејство кое има деца од различни возрани групи,а треба да следат настава за различен степен на образование, рече Костадинова за МИА.
