Во Гевгелија, Богданци, Дојран и Валандово по третпат ќе се прска против комарци. Третото прскање против комарци по земјен пат ќе биде во четврток, на 5 август.
Центарот за развој на Југоисточниот плански регион во соработка со десетте општини од регионот, согласно Одлуката на Советот за развој на Југоисточниот плански регион, организира трето адултно прскање по земјен пат против комарци. На 5 август, 2021 година (четвток), третото прскање по земјен пат против возрасни комарци ќе биде извршено во општините Гевгелија, Богданци, Дојран и Валандово, во периодот од 20:00 до 04:00 часот. Се известуваат сопствениците на пчелни семејства да преземаaт соодветни мерки за заштита, односно да ги затворат истите во најавениот временски период.
Согласно договорот и препорачаните интервали за навремено прскање против комарци oд страна на Центрите за јавно здравје за поголема ефикасност во заштитата на граѓаните од комарци, во општина Гевгелија и во останатите општини ова е последниот третман по земјен пат, односно теристичка, аеросолна дезинсекција против возрасни комарци со УЛВ метода.
