Влада: Тутунски комбинат да ги откупи дополнителните 700 тони тутун
Владата синоќа на седница ја разгледа и усвои информацијата за состојбите за откуп на тутун од реколта 2020 година и донесе заклучок да му се укаже на Тутунскиот комбинат Прилеп да ги преземе сите активности да се откупат дополнителни 700 тони тутун од вишокот од последната реколта.Во соопштнието од владината прес служба се наведува дека како доминантен сопственик на Тутунски комбинат Прилеп, Владата на Македонија преку својот претставник во ова акционерско друштво ќе иницира постапка за реализација на овој заклучок на собранието на акционери на Тутунски Комбинат Прилеп.
