Со донации ќе се збогатува празничниот изглед на градот, најави градоначалникот Костадинов. Тој рече дека веќе контактирал со локални компании за да донираат за украсувањето на Струмица. Костадинов за канал ВИС рече дека има расположени стопанственици кои сакаат да придонесат за поубава празнична атмосфера.
Општината од својот буџет издвои 400 илјади денари за украсување на плоштадот „Гоце Делчев“, а тендерот го доби фирмата Планиметрика. Од вчера почна и поставувањето на елката во центарот, а се очекува деновиве да се наместат и дрвените куќички за божиќниот базар.
