Руското Министерство за одбрана ја презеде одговорноста за ракетен напад врз воена база во близина на Лавов.
Портпаролот на руското Министерство за одбрана изјави дека се убиени 180 странски платеници. Тој додаде дека ќе продолжи да ги напаѓа „странските платеници“.
Да потсетиме, жестокиот руски ракетен напад што се случи утринава врз воена база западно од Лавов, во кој загинаа најмалку 35 лица, се случи на само 24 километри од границата на НАТО.
Најмалку 35 лица загинаа, а 134 се повредени во руски ракетен напад врз база за воена обука во западна Украина.
– Окупаторите извршија воздушен напад врз Меѓународниот центар за мир и безбедност во Јаворив – се наведува во соопштението на регионалната воена управа на Лавовите.
Полигонот од 360 квадратни километри, на помалку од 25 километри од полската граница, е еден од најголемите во Украина и најголем во западниот дел на земјата.
Украина таму ги одржува повеќето од своите вежби со земјите од НАТО, пишува Index.hr
