Временската прогноза предвидува од утре нестабилно време со пороен дожд и грмежи. Според најавите, во четврток уште од пладне на повеќе места ќе биде нестабилно со пороен дожд и грмежи. Локално процесите ќе бидат поинтензивни во форма на невреме со интензивен пороен дожд, силни електрични празнења, силен ветер и услови за изолирана појава на град. Потоа во следните денови ќе преовладува сончево време, но во попладневните часови со изолирана појава на нестабилна облачност, пороен дожд и грмежи.
Времето денеска претпладне ќе биде сончево и многу топло со мала до умерена локална облачност.
Попладне и кон крајот на денот ќе биде нестабилно, на повеќе места со пороен дожд, грмежи и засилен ветер. Локално процесите ќе бидат поинтензивни во форма на невреме со интензивен пороен дожд, силни електрични празнења, силен ветер и услови за изолирана појава на град. Минималната температура ќе биде во интервал од 12 до 21, а максималната ќе достигне од 33 до 39 степени.
Во Струмица сончево со мала облачност, доцна попладне и во вечерните часови нестабилно со локален пороен дожд, грмежи и засилен ветер. Минималната температура ќе се спушти до 18, а максималната ќе достигне 36 степени.
