На луѓето им треба причина за среќа-несреќно општество не може да напредува вели гевгелискиот писател Кирил Кангов
Со Кангов се сретнавме во центарот на Гевгелија каде уживаше во релаксирана прошетка на јануарското сонце. Според него, прв услов за излез од кризата и било каков напредок е да имате граѓани кои ќе имаат волја да направат поместување и ќе го дадат својот максимум. А за него, среќата тргнува од малите нешта-заедничко дружење со кафе или партија шах.
Кангов вели дека и како писател се интересира за животот на просечниот човек, па многупати со овие теми се занимава и од книжевен аспект.
Писателот Кангов низ шега вели дека видел многу во децениите наназад, но има и доволно искуство да каже дека новата година може да значи пресврт на подобро, ако секој поединец и целата заедница се потрудат да направат нешто добро, почнувајќи од тоа да имаат позитивен став.
