Вечерва се отвори ликовната изложба „Реминисценции“, составена од сликарски дела на ликовниот уметник Марјан Ѕингаров од Струмица, кој долги години живее и работи во Софија, Бугарија. МЕѓу другото, тој е и повеќегодишен соработник и пријател на КИЦ на Македонија во Софија.
На изложбата уметникот го претстави својот последен циклус од сликарски дела. Сликите се изработени на платно со комбинирана техника и употреба акрилни бои.
Марјан Ѕингаров е роден 1976 г. во Струмица. Дипломирал во 2002 г. и магистрирал во 2005 г. на Националната Ликовна Академија во Софија, Бугарија.
Има реализирано девет самостојни изложби во Северна Македонија, Бугарија и Романија. Учесник на групни изложби во Северна Македонија, Бугарија, Грција, Србија, САД, Англија, Шпанија, Швајцарија, Италија, Полска, Чешка, Романија.
