Ќе профункционира хидросистемот „Ѓавото“ за да ја полни браната Паљурци. Вака одлучи Владата на вчерашната седница.
Владата информира дека го задолжила Министерството за животна средина и просторно планирање (МЖСПП) да го стави во функција хидросистемот „Спас за Дојранското Езеро“ и да се обезбеди доток на вода во акумулацијата Паљурци до максималните можности на системот и тоа во траење согласно потребите за нормализирање на нивото на вода во акумулацијата
„Со дотурот на дополнителни количини вода ќе се обезбедат услови за наводнување на земјоделските површини и би се избегнале дополнителни штети за земјоделците од Општина Богданци и населените места Стојаково и Ѓавато“, се наведува во соопштението на владата.
Хидросистемот кој е изграден во 2002 година престана да функционира во месец март поради енромни сметки за електрична енерегија кои достигнувале и до 300.000 евра месечно.
