Бруталното претепување во центарот на Струмица стана предмет на Јавното обвинителство
Јавното обвинителство ќе го расветлува случајот со масовната тепачка во центарот на Струмица. Засега се прибираат докази за настанот, а кога ќе се комплетира случајот ќе се информира јавноста, велат од основното јавно обвинителство Струмица.Расправијата според очевидци почнала уште во казиното Принцес, каде вработена девојка била вербално нападната и и се заканувале со ножеви и секири. Според нејзината објава на фејсбук, станувало збор за неколкумина жители на село Баница кои биле во казиното. Од казиното Принцес денеска не сакаа да го коментираат случајот, а девојката не била на работното место.Од струмичката општа болница велат дека кај нив е донесен еден пациент од посочениот настан, којшто бил пратен на ренген каде што му е констатирана скршеница на носот. По укажаната лекарска помош, заминал на домашно лекување.
