Снимателот на ТВ Канал Вис, Кире Пиличев, беше најпосакувана „жена“ на струмичкиот маскенбал. Ја понесе специјалната награда од организациониот одбор. Речиси сите сакаа да се фотографираат со него, а тој на својот ФБ профил објави фотографија со наслов „Три грации“, посочувајќи дека се чувствува пријатно во друштвото на привлечни жени. Девојките грации во раце држеа микрофони, а Кире кусо рече дека дури и да е жена, неговата работа повторно ќе биде камерата.
„Не сум јас за микрофони, дури и само да ги држам, мојата професија е снимателството“, изјави Пиличев.