Климатските услови можат да доведат до рана берба на некои земјоделски култури, велат земјоделците. Доколку се задржат поволните временски услови, Ристо Велков рече дека нема да биде никакво изненадување ако во втората половина на месец март се наберат првите количини на зелка.
Ако се повтори ланската години со ниски откупни цени во раноградинарството, Велков смета дека следната производствена година површините засадени со овие култури ќе бидат многу помали.
Инаку струмичките земјоделци веќе почнаа со расадување на раноградинарските култури. Иако во изминативе години сеидбата се вршеше покасно, годинава временските услови дозволуваат доматот и краставицата да се расадат порано.