Полна сала, постојана подршка од трибините, одлична атмосфера и победа на поискусните. Ова е епилогот од првото женско одбојкарско градско дерби во Струмица кое го добија одбојкарките на Македонија Макс со 3:0 во сетови против помладиот тим Наковски Волеј (17:25, 19:25, 17:25)
Избраничките на Зоран Јанков ја оправдаа улогата на фаворитки, но домаќинките – девојките од Наковски Волеј се покажаа достоинствен противник. Во одредени моменти имаа и водство во сетовите но немаа сили и искуство за освојување сет. Македонија Макс имаше постојано контрола како на играта така и на резултатот и со новата победа се проби на третата позиција во женската лига а Накоовски со една победа на 7 место.
Сепак публиката уживаше во атрактивни поени и надмудрувања на мрежата. На крај се радуваше Македонија Макс но по целиот амбиент двата тима покажаа празник на одбојката во Струмица кој го надополни и машкиот тим на Кире Ричлиев кој се врати со победа од 3:0 од Штип
