При крај се градежните активности од првата фаза во делот на нискоградбата која чини 100 милиони денари, а опфаќа реализација на пристапна улица, изведба на планирани платформи за куќи, потпорни ѕидови и инфраструктурни активности – информираше првиот човек на општината, градоначалникот Костадинов.
Костадинов денеска потпиша договор со министерот за транспорт и врски Благој Бочварски и преку Владата се обезбедени 65 милиони денари за втората фаза од изградбата на населбата.
Социјалната населба е еден од најголемите капитални проекти, а истиот решава повеќедецениски проблем во долното и горното Турско маало во Струмица.
