Локалната самоуправа од Василево започна со изградба на две улици во населеното место Сушево. Едната е во должина од 140 метри а другата 75 метри. Ширината на улиците е по околу 3,5 метри. И двете улици ќе бидат изградени со бехатонски елементи. Моментално се работи на подготовка на теренот, негово рамнење, тампонирање и набивање на подлогата на која ќе се поставува бехатонот.Вкупниот буџет за изградба на двете улици изнесува околу 900 000 денари, средства обезбедени од општинскиот буџет.
Јанев нагласи дека локалната патна инфраструктура и во наредниот период ќе има приоритетно место во тековните активности на општина Василево.
Градежните работи на овие две улици ги изведува компанијата Пешо инженеринг и согласно Договорот истите треба да завршат во период од два месеци.
Се асфалтираат две улици во Сушево
