Претседателот на Македонската асоцијација за рударство, Николајчо Николов, вели дека за отворање рудници во југоистокот треба да се направи темелна и стручна студија, каква што државата нема. Но, како човек, вели тој, е против отворање рудник со лужење со цијанид над струмичкото поле. На вчерашната трибина којашто ја организираше Цивика Мобитас, присуствуваа дел од градоначалниците од југоистокот, пратеници, како и членови на граѓански организација но и претставници од рударските компании.
