Елена на позицијата среден блокер ќе го засили составот на Наковски волеј и ќе биде добро освежување за претстојната одбојкарска сезона.
Станува збор за 20 годишна, искусна одбојкарка која има настапувано во врвни одбојкарски клубови во Словачка и Чешка како и за младата репрезентацијата на Украина.
Младата и надежна Елена веќе посетува тренинзи, успешно се вклопи со девојките и очекуваме да ги покаже своите квалитети на терен како дел од Наковски волеј.
