„Првите сушени домати се овде“. Вака објави организацијата Избор од Струмица којашто почна да го спроведува проектот за професионална рехабилитација на лица со попреченост. Насловот на овој проект што го финансира УНДП а го поддржува и Министерството за труд и социјална политика е „Креирање можности за работа за сите“.
Од граѓанската организација „Избор“ велат дека атмосферата била работна, но и малку свечена, бидејќи проектот е насочен кон професионална едукација и отворање работни можности за лица со попречености.
