Здружението „Здрава котлина“ ги предаде потписите за иницијативата „Спас за Струмица“ со која бараат референдуми во општините Босилово и Ново Село за рудникот Иловица. Граѓанските активисти се сретнаа со првите луѓе во општините и побараа итни седници на советите на кои ќе распишат референдум.
Градоначалникот на Босилово, Љупчо Колев вели дека општината ќе соработува со граѓанските активисти и ќе овозможат жителите на нивната општина да се изјаснат за работата на рудникот Иловица-Штука.
Доколку се распише референдум во Босилово, тој ќе биде петти во југоистокот инициран од граѓанските здруженија за отворањето на рудници во регионот.
