Корона кризата влегува во нова фаза, државите да бидат флексибилни и да продолжат, па дури и да ги прошират мерките на социјална заштита за да ја стимулираат економијата. Ова го изјави шефицата на ММФ, Кристалина Георгиева, која предупреди дека новиот бран од пандемијата може да предизвика значителни дополнителни пореметувања во економијата. До сега кризата не поштеди никој – се затворија бизниси, се отпуштаа работници, се множеа сиромашни. Затоа бара земјите да ја искористат можноста која им се дава еднаш во 100 години – да изградат одржлив, чесен, позелен, попаметен и отпорен свет.
Кризата предизвикана од пандемијата влезе во нова фаза која ќе бара флексибилност за „одржливо и правично закрепнување“, изјави генералниот директор на Меѓународниот монетарен фонд, Кристалина Георгиева во блогот неколку дена пред виртуелната средба на Г20.