Поранешниот градоначалник на Валандово Чурлиновски постапката за Казандол ја водел нетранспарентно и ја лажел јавноста . Дал позитивно мислење да се подига рударскиот комплекс ,,Казандол,, а потоа имало јавна расправа за да се слушне мислењето на валандовчани за овој проект. Парадоксот да биде уште поголем е што јавната расправа се организирала откако веќе бил потпишан договорот за концесија за ,,Казандол,, меѓу Владата и инвеститорот . Вака денеска на прес конференција соопшти првиот човек на општина Валандово – Перо Костадинов кој се сомнева дека е прекршена целата постапка околу добивањето на позитивните мислења но и постапката за склучување на договори за концесии за овој рударски комплекс
,,Позитивното мислење од градоначалникот на општината е дадено на 22.12.2014 година. На 27.02.2015 е потпишан договорот за концсесија за Казандол меѓу Владата и инвеститорот. А она што изненадува фактот е што дури на 30.03.2015 година е организирана јавна расправа на која граѓаните , еколошките организации јавно се спротиставуваат на идејата општината да даде позитивно мислење, кое претходно веќе било дадено и се криело. Сакам да ги повикам надлежните да ја преипитаат целата постапка .,, кажа градоначалникот на Валандово Перо Костадинов на прес конференција .
Според него во архивата на општината се воделе две различни мислења на претходниот градоначалник за Казандол , едно позитивно за надлежните министерства а едно неутрално пред јавноста, со што како што истакна Костадинов целата постапка била нетранспарентна пред граѓаните и воопшто не ги добивале потребните и вистински информации во тој период
