Капитенот на македонската фудбалска репрезентација Горан Пандев деновиве донирал средства во струмичката болница кои како што потврдија од таму ќе бидат искористени за набавка на заштитна опрема за медицинскиот персонал. Првиот човек на болницата д-р Наќе Гогов потврди дека од страна на струмичкиот интернационалец се уплатени средства кои ќе бидат наменети за набавка на скафандери, заштитни маски и ракавици според стандардите за зашттита на медицинскиот и придружниот персонал за спречување и ширење на коронавирусот.
,,Неблагодарно е да споменувам износи, но би сакал да упатам благодарност како до него така и до останатите правни и физички лица. Парите ќе бидат искористени за набавка на скафандери, заштитни маски, ракавици според стандардите на СЗО за да бидат заштитени здравствените работници кои се на првата ,, борбена’’ линија и најмногу се изложени на ризикот да бидат заразени,, вели Гогов
