Денеска (6 декември 2023 година), во Народниот театар – Гевгелија, ќе се прикажува филмот – романтична комедија „Нешто слатко“, во којшто играат Сашко Коцев и Јелена Јованова – Периќ, со почеток во 19:00 часот. Влезот чини 150 денари.
Режијата е на Тин Водопивец, а продyкцијата на Процес К ДООЕЛ Скопје.
Според режисерот Водопивец, кој исто така игра во комедијата, идејата им била да направат филм за луѓето, кои кога ќе го гледаат, ќе заборават на сè. „Нешто слатко“ е полн со збунетост, забавни заплети и пресврти, каде кариерата на Каја – организаторка на маркетинг-конференции виси на конец кога нејзиниот главен адут Аце Мајсторовски – маркетинг гуру од Македонија го пропушта својот лет. За да се избегне катастрофа, таа му наоѓа замена – локален слаткар којшто личи сосема на него.
