Заради намалениот водостој во браната Иловчанка, водостопанското претпријатие Струмичко поле донесе одлука да ја стопира водата за наводнување на земјоделските површини во атарите на Иловица и Штука а земјоделците да се приклучат на системот за наводнување од брана Турија. Ваквата одлука ја донесе за да се задржат минималните резерви со вода за водноснабдување на жителите од овој систем, на кој се приклучени домакинствата од седум населени места
Првиот човек на АД Водостопанство подружница Струмичко поле Лазар Ѓеоргиев ги замоли жителите на населените места од овој сиостем рационално да ја користат водата без да се полеваат градини, дворови и обработливи површини. Вели дека дневно се трошат 2 000 кубни метри вода. Во Јуни преку филтер станицата се пторошени 45 илјади кубни метри а овој месе се очекува многу повеќе
Ѓеоргиев истакна дека останатите брани се во добра кондиција со вода за наводнвуање на обработливите површини. Единствено вода за наводнување ќе нема од Иловчанка за да има вода за водоснабдување на населените места од овој систем
