Откако учениците од ООУ ,, Гоце Делчев,, станаа државни прваци во одбојка за ученици од основните училиште во Македонија, градоначалникот на општина Василево Ванчо Стојанов денес во својот кабинет ги прими златните момчиња. Со победата над основците од Битола, василевските ученици под менторство на професорката Алма Хасанова го подигнаа шампионскиот пехар потврдувајки дека Василево е одбојкараска општина. Градоначалникот Стојанов им го честиташе постигнатиот успех на одбојкарите, менторката Алма Хасанова и директорката на учлилиштето Емилија Котева, и им посака вакви резултати и во иднина.
