„Што е она што го прави наставникот добар во својата работа?“ Така се вика видеото во кое се појавува една од омилените наставнички во Струмица, Соња Цицимова.
Во видеото на Уницеф ученици зборуваат за своите наставници, а потоа наставниците ги гледаат одговорите. Идејата е да се посвети внимание за огромната улога на наставникот во образованието но и оформувањето на личноста на детето.
Инаку, Цицимова се истакнува по креативните општествени, забавни и едукативни проекти во кои се вклучени не само учениците, туку и родителите и пошироката заедница.
