Струмичанецот Дени Масев е избран за спортски директор на македонската фудбалска А репрезентација. УО на ФФМ на денешната седница даде зелено светло и го назначи поранешниот фудбалски репрезентативец кој потекнува од школата на Беласица а кариерата ја продолжи во Вардар и Работнички да биде спортски директор на селекцијата предводена од неговито другар и фудбалски колега Горан Пандев.
Тој по денешниот избор изрази благодарност до УО на ФФМ и селекторот на А репрезентацијата и подвлече дека ќе даде максимум Македонија во Лигата на нации да го освои првото место во групата но посакува и пласман на Европско
,, Со голем дел од фудбалерите во составот од македонската репрезентација се познаваме одлично, дел од кариерата ја минавме заедно во Беласица и Вардар. Имам добра комуникација со сите, убеден сум дека тој однос дополнително ќе го надградиме со целата екипа. Драго ми е што во тимот има одлична енергија, тоа го видовме сите, не само поради добрите резултати во последната година, туку и заради поврзаноста меѓу фудбалерите и нивниот однос кон дресот со државен грб,, рече Масев
,,Имаме одлична репрезентација и добри поединци предводени од капитенот Пандев. Во Лигата на Нации имаме голема шанса и сметам дека сме способни за прво место во групата. Потоа се е можно. Секако дека посакуваме историски резултат и пласман на Европско првенство. Тоа со оваа репрезетнација ни недостасува. Сите сме тука за таа цел, да направиме нешто големо“ – вели Масев по преземањето на новата функција.