Лидерот на СДСМ, Зоран Заев го доби мандатот и официјално стана мандатар за состав на нова Влада на Република Македонија.
При доделувањето на мандатот кратко обраќање имаа и претседателот на државата, Ѓорге Иванов и Заев.
Според Иванов, пречките за доделување на мандат се отстранети.
Тој изјави дека согласно Уставот мандатот му се доделува на Заев кого коалицијата предводена од СДСМ која состави парламентарно мнозинство, го предложи за мандатар за состав на новата Влада
Заев јавно ја прочита гаранцијата со која ја гарантира унитарноста на државата којашто ја достави и до Претседателот Иванов.
Тој гарантира заштита на унитарноста на државата, тероторијален интегиртет, суверенитет, мултиетничност на државата, уставниот поредок.
Во гаранцијата се вели дека ниту еден документ или платформа, кои би биле во спротивност на ова што го наведе, не може да биде услов или основа за дејствување на новата Влада.
