Расте бројот на пациенти со хронични бубрежни заболувања. Во струмичкито центар за дијализа има 85 пациенти. Специјалист интернист доктор Дитка Ивановска вели дека бројот на пациенти е во пораст и на локално и на светско ниво.
Доктор Ивановска вели дека периодот на ковид пандемијата бил особено специфичен за бубрежно болните пациенти, бидејќи тие имаат и други коморбидитети. За време на пандемијата загубиле дури 15 пациенти што е огромна бројка од вкупниот број пациенти во Центарот за дијализа во Струмица.
Денеска се одбележува Светскиот ден на бубрегот. Целта е да се крене свеста за важноста на овој орган за целокупното човеково здравје.