Oд денеска, на тревното игралиште „Мирата“ во Богородица започнаа генерациските натпревари во мал фудбал, во рамките на Меморијалниот турнир „Мирче Костов“, чиј организатор е ЗГ „Митко Ќаев- Баче“- Богородица. Турнирот беше свечено отворен со натпреварите помеѓу „Џокер“ – ФК „Кожуф“ (2012 година) и ФК „Дојранско Езеро“ – „Џокер“ (2013). Натпреварите помеѓу пријавените екипи кои се одржуваат на двете фудбалски игралишта, во првиот дел беа одиграни до 10:00 часот, а натпреварите во вториот дел продолжуват од 16:30 до 19:00 часот.
На 21 по ред Меморијален турнир во мал фудбал, посветен на трагично загинатиот Мирче Костов, учествуваат 24 екипи од нашата и соседните општини, во четири категории- пионерска конкуренција: 2010, 2011, 2012 и 2013. Како што е предвидено, Меморијалниот турнир ќе трае 3 дена, согласно временските услови.
Покровител на Турнирот е Општина Гевгелија, поддржан преку Програмата за финансирање на спортските активности во општина Гевгелија за 2022 година, а генерален спонзор „СА-ХИ Транс“- Богородица. Одржувањето на Турнирот го помаагаат и други физички и правни лица.
