Во храмот на Свети 15 Тивериополски свештеномаченици вечерва ќе се одржи 11 Фестивал на источно црковно пеење. Со почеток од 19 часот ќе настапат два хора. Првиот е женскиот хор„ Свети Теофил Струмички“ од Струмица под диригенство на професор Зоран Мазнејков, а вториот е машкиот византиски хор „Свети Нектариј Битолски“ од Битола под диригенство на м-р Игор Гулевски.
Женскиот хор „Свети Теофил Струмички“ од Струмица основан 2006 година по иницијатива на Протоереј-Ставрофор Димитар Крцев, со благослов на митрополитот струмички Наум.
Машкиот византиски хор „Свети Нектариј Бтиолски“ е основан 2006 година и редовно учествува на неделните празнични литургии во храмот „Пресвета Богродица“ во Битола.