Нова претстава утре премиерно ќе се прикаже во струмичкиот театар „Антон Панов“. Станува збор за дуодрамата Лизелота и месец мај на унгарскиот автор Жолт Пожгај во режија на Јане Спасиќ.
Режисерот смета дека целиот процес поминал во добра и креативна атмосфера. Вели дека е задоволен од професионалноста на актерите кои на свои плеќи понесуваат претстава која трае час и половина.
Оваа не е прва дуодрама за Коста Ангов и Јасмина Вучкова. Тие пред неколку години ја одиграа претставата Каминот од Маргарит Минков во режија на Васил Михаил.
Драматургот Ацо Гогов вели дека е реткост да се работат текстови од автори од источна и средна Европа и тоа го смета за големо освежување.
Вечерва е генералната проба за претставата „Лизелота и месец мај“.
