Утре, со почеток во 19.30 часот, во Градската уметничка галерија во Струмица, поетесата Вања Изова Велева ќе ја промовира најновата книга поесни, „Место за бегство“. Рецензент на стихозбирката е Мишел Павловски, кој смета дека најсилна одлика за нејзината поезија е искрената лиричност.
„Одлика на поезијата на Изова Велева е искрената лиричност на исказот. Нејзината поезија е искрена и топла, лирична и лелеава. И уште: авторката ја има способноста да создаде комплексни, слоевити поетски дискурси со употреба на едноставни, секојдневни лексеми.
Чинам, најголемата вредност на збирката на Вања Изова Велева е отсуството, или сериозно редуцираното присуство на негативната енергија во авторскиот исказ,“ вели Павловски.
Вања Изова Велева е македонска поетеса, есеистка и публицистка. Дипломирала на Универзитетот „Св.Кирил и Методиј“ во Скопје, на групата македонска книжевност сојужнословенски книжевности. Магистрирала на Институтот за македонски јазик, на студиската програма Културолошки студии во книжевноста. член е на Друштвото на писателите на Македонија од 1995 година.
Објавила десет поетски книги, прозните записи „Неколку легенди за Струма“, како и книгата, која е нејзин магистерски труд, „Жената и каменот“.