Шпанскиот пејач Карлос Марин, член на квартетот „Ил диво“, почина на 53-годишна возраст во Кралската болница во Манчестер.
Преостанатите членови на вокалната група ја објавија веста за смртта на нивниот пријател на својата веб-страница во неделата вечерта.
Марин бил примен во болница овој месец во текот на новогодишната турнеја во Велика Британија. На пејачот му се слошило на 7 декември и бил ставен во медицинска индуктивна кома. Не е прецизирана болеста, пренесува Би-би-си.
Некои медиуми објавија дека тој починал од коронавирус.
Споделувајќи ја веста за неговата смрт во неделата вечерта на Твитер, „Ил диво“ соопшти: „Со тешко срце ве известуваме дека почина нашиот пријател и партнер Карлос Марин.
„17 години ние четворица бевме заедно на ова неверојатно патување на ‘Ил диво’“, напишаа членовите на групата, Дејвид Милер, Себастиен Изамбард и Урс Билер во спомен на починатиот пејач.
„Никогаш нема да има друг глас и дух како Карлос“, напиша „Ил диво“.