Институциите заеднички да се заложат за регулирање на дивата сеча во о.Ново Село. Градоначалникот Ѓорге Божинов најави дека на следниот локален совет за превенција една од точките ќе биде токму неконтролираното сечење на шумите во оваа општина. Рече дека ќе бидат повикани и одговорни лица од подрачното одделение на МЗШВ, со цел да се направи заедничка стратегија.
Локалниот совет за превенција во оваа општина во петокот првпат се состана и тогаш се разговараше за непрописното паркирање и опасностите во сообраќајот на магистралниот пат до Р.Бугарија, кој води токму низ Ново Село.
