1200 домаќинства во Струмица изминатите три месеци се обидуваат да го селектираат пластичниот отпад од останатото ѓубре во домаќинствата. Комуналното претпријатие им подели соодветни садови на дел од струмичките домаќинства и велат дека селекцијата дава резултати.
Во регионот селекција на пластичен отпад има и во Валандово и Гевгелија. Сепак, станува збор за пионирски обиди да се намали неселектираното ѓубре во депониите.
Струмица има посебни контејнери и за електронски отпад. Но, за него, нема многу дисциплина кај граѓаните.
И еколошките организации предупредуваат на опасноста од неселктирање на е-отпадот, особено затоа што депониите стануваат токсични пдорачја на кои истекуваат опасни сустанци и жива кои лесно може да предизвикаат и пожар.
