Од први јули ќе почнат да се применуваат најавите за воведување на повисока тарифа за оние домаќинства што се големи потрошувачи на електрична енергија. Според премиерот Ковачевски, оваа е една од мерките за справување со последиците од енергетската криза.
Засега не се знае до колку киловати потрошена електрична енергија ќе важи постоечката цена, а од колку ќе се пресметува по друга поскапа тарифа.
Претходно, ова го најави и министерот Бектеши. Ниту Бектеши не прецизираше која ќе биде методологијата за утврдување во која категорија спаѓаат граѓаните и според тоа колкава цена на електричната енергија ќе плаќаат.